Nuria Sotelo, Marta Verde, Daniel Pais, Rubén Vilanova: Silencio, por favor
Silencio por favor é un proxecto escénico/preformático no que están implicadas artistas de diferentes áreas:
Licenciada Sotelo, 23RedAnts, Marta Verde e Daniel Pais (ferramentas dixitais, multimedia e interactivas), Rubén Vilanova (asesoramento artístico e imaxe) Rebeca Baceiredo e Carlos Arenal (asesoramento conceptual)
O proxecto comezou co encontro da bailarina galega Nuria Sotelo e Niet F-n, italiano experimentador do sonido electrónico, no contexto do Alg-a lab. Posteriormente uniuse a cellista galega Macarena Montesinos, ámbolos dous componentes do dúo de improvisación 23RedAnts. Fíxose unha primeira mostra do traballo en porceso no marco do ALT procrea´13. Aquí desenvolveuse unha estructura de improvisación en base ao material de movemento e sonido explorado tanto no Alg-a lab en Valadares como en Grismediostudio en Ourense. As últimas incorporacións no equipo foron o coruñés Daniel Pais e a galega afincada en Madrid Marta Verde. Eles son a parte do equipo que se adica á concepción, desenvolvemento, programación e conceptualización tanto técnica coma conceptual de solucións dixitais, multimedia e interactivas para formar parte de acción escénica/performática.
O equipo ao completo tivo un primeiro encontro en maio no Verbum en Vigo.
O proxecto explora o son, o movemento e a interacción audiovisual na búsqueda dunha linguaxe escénica propia que nos faga atravesar con todo o organismo o ruido e o silencio nas súas diferentes manifestacións
“O teatro, que non está en nada, pero que se vale de tódalas linguaxes: xestos, sonidos, palabras, lume, berros, volta atopar o seu camiño no punto no que o espíritu, para manifestarse, sinte a necesidade dunha linguaxe.
A fixación dunha linguaxe: verbas escritas, música, luces, ruidos, indica a súa ruina a breve prazo, pois a elección dunha linguaxe revela certo gusto polos efectos especiais desa linguaxe; e o desecamento da linguaxe acompaña á súa desecación.” A.Artaud