Baleiro ... web en probas

Este xoves 28 de xaneiro, o colectivo Baleiro presenta ao músico ourensán Emilio José en concerto, continuando coa programación musical do seu local (que xa contou en decembro coa actuación de Vale Tudo).

Emilio José, ex-compoñente do grupo Apeiron, virá a presentar o seu primeiro elepé en solitario, o dobre disco "Chorando apréndese", que ven de recibir excelentes críticas en toda a prensa musical nacional. Será o seu segundo paso por Santiago nos últimos meses, pero esta vez sen o acompañamento do seu grupo "Los Pentagramas"

http://www.myspace.com/singstaralone

http://twitter.com/Emilio_jose

Este mércores 25 de novembro teremos no local a Vale Tudo en concerto. Veñen a presentar o seu segundo traballo Gris e a cita dará comezo ás 21:00.

O grupo naceu en 2004 formado por Óscar Vilariño e Rafael Mallo. A sua primeira intención foi a de traballar ideas novas e diferentes ás desenvolvidas nas bandas das que formaban parte, centrándose ante todo na busca de sons puros. Con estas premisas, tomando como referencia estilos cercanos ao blues e folk norteamericanos e influencias do hardcore ou da experimentación, Vale Tudo crean a súa música cun son propio, unhas estruturas concretas e unhas letras suxerintes e esqueléticas en galego e castelán. Actualmente os membros de Vale Tudo tamén forman parte do colectivo de improvisacion Volonté, do grupo Triángulo de Amor Bizarro, así como dos seus proxectos persoais Rafael Mallo e herrn.

Artistas, deseñadores e outras persoas implicadas na producción e difusión da cultura, reuniranse do 8 ao 13 de xuño en Santiago de Compostela para reflexionar e debatir sobre as posibilidades do traballo creativo na sociedade actual en tempos de crise.

Estas xornadas pretenden establecer diálogos coa finalidade de resituar as definicións actuais sobre arte e producción cultural -en xeral-, e plantexar modos de actuación e canles de difusión efectivos en tempos de crise. Para isto contarase con representantes do ámbito creativo, de investigación e crítica, da educación, e de xestión cultural. Confrontaranse as definicións tradicionais de artista, coas novas categorías de “productor cultural”, discutirase sobre as canles de difusión das produccións culturais nestes tempos de crise e sobre posibles opcións ou mecanismos para incrementar a comunicación efectiva co contorno social.

Podemos comezar a rastrexar a actividade creativa de Murayama nos primeiros anos oitenta, no momento en que New York daba o pulso da improvisación contemporánea e os artistas comezaban a intoxicar a afiada modernidade do jazz dos setenta con música concreta, pop, no-wave, banda sonora, ruido e mesmo estruturas neoclásicas.

Co gallo da presentación do obradoiro Dialéctica da improvisación, o vindeiro Sábado 30 de Maio ás 21:00 teremos en Baleiro un doble concerto a cargo de Seijiro Murayama (percusión) e Miguel Prado (obxectos e dispositivos electrónicos). A entrada é de balde.

Dende o Festival Fase de Música Improvisada e Baleiro queremos convidarvos á presentación de Dialéctica da improvisación, un obradoiro de experimentación sonora dirixido a todas aquelas persoas que independentemente dos seus coñecementos musicais, esteades interesadas en compartir experiencias creativas con nós. A presentación dos coordinadores do obradoiro, Roberto Mallo e Miguel Prado, terá lugar o vindeiro Sábado 30 de Maio ás 20:30 en Baleiro. Inmediatamente despois, poderemos disfrutar dun concerto especial de Seijiro Murayama e Miguel Prado.

Baleiro retoma as súas actividades desde a súa nova ubicación, un local cedido e acondicionado pola Vicerreitoría de Cultura da USC na Facultade de Filoloxía de Santiago de Compostela. Trátase dunha mesa de debate con Jordi Claramonte Arrufat, que ven de publicar con CENDEAC Lo que puede un cuerpo: ensayos de estética modal, pornografía y militarismo.

Como podemos ler na súa introdución:

Este libro trata de mujeres y de hombres, de seres que ya no saben ni quieren saber si son una cosa o la otra, de sus cuerpos. Trata sobre todo de putas y de soldados. De las operaciones conceptuales y mecánicas que el poder ha efectuado sobre sus cuerpos, y también, por supuesto, de lo que ellas y ellos han hecho al respecto. Nada es lo que parece: ni la autonomía ni la fragmentación. Ni el erotismo ni la guerra.

Este libro trata con ello, fundamentalmente, de las posibilidades de la autonomía y de las amenazas de la fragmentación. Del incremento de la capacidad de obrar y comprender que se desprende del desarrollo autónomo de nuestras sensibilidades y facultades; del despedazamiento que acecha a los sujetos y a los cuerpos en el porno y en la guerra. 

Os vindeiros 16 e 17 de Abril terá lugar en Santiago de Compostela a segunda edición do Simposio Internacional Poéticas de Resistencia, organizado polo grupo de investigación Teoría da Literatura e Literatura Comparada da USC e a rede internacional Poetics of Resistance.

Tedes o programa completo e mais os resumos das intervencións dos participantes na súa web. O encontro terá lugar no Centro de Estudos Avanzados da USC e tamén realizaranse diversos actos noutros espazos culturais da cidade. Dentro desta axenda paralela, o día 15 de Abril teremos en Baleiro a Jordi Claramonte, que nos achegará ao seu novo libro Lo que puede un cuerpo: ensayos de estética modal, pornografía y militarismo. Esperamos vervos por alí.

Este martes Baleiro estará na Radio Galega no programa Aquí xa é noite, que se emitirá entre as 00:00 e a 1:00 da madrugada. Exporemos as nosas intencións e os pormenores do proxecto, así como as iniciativas e actividades que estamos a desenvolver.

¡Escoitámonos!